Autodefentsa feminista emakume feministek sortu eta irakasten dute. Helburua gizarte patriarkal honetan emakumeok bizi ditugun eraso matxisteak identifikatzea, sahiestea eta aurre egiteko tresnak sortzea da. Arlo teoriko-psikologiko bat ere badauka, non indarkeriaren zikloa ulertuko dugun, nork eragiten duen, zergatik mantentzen den… Eta guztion artean “Nola egin ahal diot aurre?” galderari erantzungo diogu, besteak beste, gure esperientzia eta ezagutzetatik abiatuz, erantzun desberdinak lortzeko. Aldiz, defentsa pertsonala (normalean irakasleak gizonak dira) arte martzialetan oinarritutako teknika fisikoak besterik ez du eskeintzen, lehenago lan psikologikoa egin barik eta, nola ez, testuinguru feminista batetan kokatu gabe. Erantzun fisiko horiek banakoak dira, ez da emakumeen arteko elkartasuna eta jabekuntza kolektiboa lantzen.
Seguir leyendo aquí
No hay comentarios:
Publicar un comentario